| جو سب کی سنتا صدا، یارحیم بس تو ہے |
| بے مانگے کرتا عطا، یارحیم بس تو ہے |
| سوالی تھک سکے، پر مولی تھک نہ جائے گا |
| ہمیشہ در ہے کھلا، یا رحیم بس تو ہے |
| بہانے ڈھونڈتی ہے جس کی مغفرت ہر دم |
| کرم کا دریا روا، یا رحیم بس تو ہے |
| بھنور میں جس کے سہارے ملا کنارہ ہمیں |
| سفینہ پار لگا، یا رحیم بس تو ہے |
| خطائیں بخش دی، ظلمت کو نور سے بدلا |
| اجالا دل میں کیا، یا رحیم بس تو ہے |
| تمام دنیا کو اک دن فنا نصیب ہوگی |
| فقط رہے گی بقا، یا رحیم بس تو ہے |
| تو آسرا ہے، یہ فریاد سن لے ناصؔر کی |
| کرے جو غم کو فنا، یا رحیم بس تو ہے |
معلومات