| اک نوجواں ہے میرے تخیل پہ جانثار |
| پڑھتا ہے شعر میرا ہوتا ہے اشک بار |
| کہتا ہے شاہؔ صاحب کچھ کیجیے ذرا |
| فریاد دردِ دل کی لایا ہے خاکسار |
| تحریر کی کشش سے پتھر بھی موم ہے |
| اشعار بھی ہیں تیرے دلکش وہ دل نگار |
| سنتا ہوں جب بھی تیرے اشعار اور غزل |
| لگتا ہے ایسے جیسے شاہؔی کا شاہکار |
| کردے مراد پوری اس ناتواں کی اب |
| قلم و زباں کا ساحر اردو کا شہسوار |
| کہتی ہے بزمِ عالم، اقبالؔ کی طرح |
| ہوتے ہیں رازِ پنہاں تجھ پر بھی آشکار |
| نظم و غزل میں یکتا اہلِ سخن میں فردا |
| غالبؔ سا میرؔ سا تو بھی ہے دستکار |
| مقبول اس قدر ہے " شاہؔی تخیلات" |
| جیسے ہو انجمن میں یکتائے روزگار |
| محکومیت کا منکر حاکم خیال ہے |
| سلطانیت پسند ہے رہتا ہے باوقار |
| فنِ سپہ گری میں ماہر بھی خوب تر ہے |
| رکھتا شوقِ سلطاں ہے ذوقِ تاجدار |
| اس دور کی سیاست میں خوب ہے مگن |
| ہر جا کہ کر رہا ہے راہیں بھی استوار |
| خود کی زبانی میرا قصہ وہ کہہ رہا تھا |
| کہتا تھا زندگی کا قصہ ہے یادگار |
| اک نوجوان شاعر ہے میری انجمن میں |
| خوش گفتگو ہے لیکن رکھتا ہے دل فگار |
| اس شاعرِ جواں کی کوشش یہی ہے واللہ |
| قبضے میں ہوگا اک دن عالم کا اختیار |
| علم و ہنر کا شوقیں لیکن کہ خوب ہے وہ |
| اپنے فنون میں بھی ماہر ہے ہونہار |
| مشہور کم سنی میں اتنا وہ ہوگیا ہے |
| مداح اس کے لاکھوں، عربوں ہیں بے شمار |
| فطرت نے بھی غضب کا زورِ قلم دیا ہے |
| بزمِ سخن کو اس کا ہوتا ہے انتظار |
| الزام اس کی ہستی پر یہ بھی ہے کہ وہ |
| اقبالؔ کا تخیل لاتا ہے مستعار |
| کیا خوب شعر گوئی آتی ہے اس جواں کو |
| اس کی غزل سے زینت پاتے ہیں اشتہار |
| اصنافِ شاعری میں بھی لاجواب ہے وہ |
| ہوتا ہے شعر و مصرع عیبوں سے رستگار |
| لیکن کہ شعر گوئی کرتا ہے اس طرح وہ |
| ہوتے ہیں لوگ آنی خطروں سے ہوشیار |
| اس شاعرِ زماں کا دعویٰ ہے یہ کہ وہ |
| اسلام کے چمن کا واحد ہے آبیار |
| رکھتا ہے دل میں زندہ عہدِ کہن کا عزم |
| خالدؔ کا شوق و جذبہ میدانِ کارزار |
| فاروقؔ کی جلالت صدیقؔی بردباری |
| عثمانؔ کی سخاوت حیدرؔ کی ذولفقار |
| وہ مرد ہو کے رہتا ہے " فائز المرام " |
| عزموں کی پختگی سے توڑے جو کوہسار |
| اس کی نگہ کی آتش بازی کا کیا کہوں میں |
| آنکھوں میں وہ غضب ہے جوں تیغِ آبدار |
| امت کی خستہ حالی ملت کی بے بسی پہ |
| وہ خوش مزاج ہر وقت روتا ہے زار زار |
| اس دل کا کیا کہوں میں جو اس کے پاس ہے |
| ہر چیز ہے میسر پھر بھی ہے بیقرار |
| ملت کے غم میں گھل کے ناسور ہو گیا ہے |
| کٹتے ہیں دن پریشاں راتوں میں اضطرار |
| دیکھا ہے میں نے جب بھی اس دل جلے جواں کو |
| تنہائیوں میں اکثر روتا ہے زار زار |
| آنکھیں گڑی ہیں اس کی آئندہ دور پر |
| ہیں دور رس نگاہیں نظریں ہیں آرپار |
| کہتا ہے میں کروں گا تسخیرِ کائنات |
| خواہش ہے کائناتِ عالم کا اقتدار |
| بدقسمتی ہے اس کی جو بزم میں سدا |
| کرتا ہے بات حق کی ہوتا ہے شرمسار |
| تنہا بیچارہ لیکن وہ کیا کرے جہاں میں |
| اسکے رفیق سارے دیتے ہیں اس کو عار |
| کہتا ہے أہلِ محفل سے دیکھ تو ذرا |
| ہے خون سے اٹا اب بھارت کا یہ دیار |
| پر اس کے ہم نشیں سب کیسے یہ دیکھ پائے |
| آنکھوں میں دھول ہیں اور چشموں پہ ہے غبار |
| کیسے رہیں سیاست کے خار و خس میں ہم |
| کہتے ہیں اہلِ محفل وادی ہے خاردار |
| مایوس ہوگیا ہے جب سے وہ بزم سے |
| تب سے وہ دوسروں پہ کرتا نے اعتبار |
| یہ اس کی جانفشانی کی خاص ہے روش |
| کہ بزدلوں کی سنگت ہوتی ہے ناگوار |
| دنیا کو اپنی سوزش سے راکھ کر نہ دے وہ |
| چنگاری اس کے دل میں سرکش ہے شعلہ بار |
| دنیا مخالفت پر گرچہ اتر ہی جائے |
| ہے عزم کا وہ پیکر موقف پہ برقرار |
| باطل شکن جواں ہے ملت کا پاسباں ہے |
| کہنہ صفات اس میں ہے خوۓ یارغار |
| اک انقلاب اسکے پیشِ نظر ہے جو |
| کرتا ابھی سے ہے وہ ماحول سازگار |
| میں بھی سمجھ نہ پایا ہستی کہ اس کی کیا ہے |
| اب سے بنا ہے بیٹھا قدرت کا رازدار |
| سوتوں کو جو جگا دے غافل کو ہوشیار |
| خالی ہے ایسے بلبل سے اب کہ مرغزار |
| اس مردِ با بصیرت کی داستاں کو سن کر |
| اب سنگِ دل کو میرے آیا ہے اس پہ پیار |
| اک لفظ کا اضافہ بالکل نہیں کیا ہوں |
| سچ کہہ رہا ہوں میں کہ گرچہ ہوں طرفدار |
| مانو نہ مانو لیکن اے ہند کے امامو |
| سچ ہے یہی کہ اس کی باتیں ہیں جاندار |
| ہو کامیاب اپنے مقصد میں اے خدا |
| وہ نوجواں ہو عالم میں نیک و بختیار |
| اس شوخ خوبرو کی عظمت جو دیکھے میں نے |
| میں نے کہا کہ رکھیو مجھ کو بھی دوستدار |
معلومات