| آرام کر رہے ہیں جگانے کا اب نہیں |
| جو بجھ گئے چراغ جلانے کا اب نہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہر بار کیوں کریں بھلا اپنی انا کو زیر |
| ناراض ہیں تو ہوں وہ منانے کا اب نہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| جانا ہے جس کو شوق سے جائے وہ چھوڑ کر |
| آنسو کسی بھی طور بہانے کا اب نہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ظالم نے کر دیا ہے عجب فیصلہ سنو |
| مظلوم کو کبھی بھی ستانے کا اب نہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| نشانچی نے کوئی نشانہ نہیں لیا |
| کیا تیر یہ ہوا میں چلانے کا اب نہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| یہ اور بات اب تُو ہمارا نہیں رہا |
| دل سے ترا یہ نام مِٹانے کا اب نہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہم ہاتھ جوڑتے ہیں ترے سامنے اے عشق |
| ہم کو کوئی بھی خواب دِکھانے کا اب نہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| نام و نشاں نہیں ہے وہاں قیس کا کوئی |
| جگنو کے ساتھ دشت میں جانے کا اب نہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| پتھر بنا دیا ہے کسی کے فِراق نے |
| دریائے دل میں ناؤ چلانے کا اب نہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| سب کچھ لکھا ہوا ہے یہ چہرے پہ صاف صاف |
| مانی کوئی بھی رنج چھپانے کا اب نہیں |
معلومات