| وقتِ آخر ہی نظر رشکِ مسیحا کرتے |
| عمر گزری تھی مِری تیری تمنا کرتے |
| کیا یہی ہے تِرے دیوانوں کی قسمت جاناں |
| یاد میں تیری شب و روز ہیں تڑپا کرتے |
| مانتے ہم بھی یہ اعجازِ مسیحائی ترا |
| جو ہمارے دلِ تفتہ کا مداوا کرتے |
| ایک صورت یہی سجدہ اُنہیں کرنے کی تھی |
| ہم شجر ہوتے حجر ہوتے تو سجدہ کرتے |
| تُو اگر ہوتا نہ میخانے صنم خانے میں |
| تاب ہم میں کہاں اِن کی جو تمنا کرتے |
| میری قسمت میں بھی ہوتا کبھی ایسا شاہد |
| میں جو گرتا تو مجھے آپ سنبھالا کرتے |
معلومات