| حالانکہ عاشقی میں نہیں بانکپن حرام |
| پرکارہائے دل بری میں ہے غبن حرام |
| رکھی نہ ہم نے لقمۂِ مشکوک پر نظر |
| ہونے دیا رگوں میں نہیں موجزن حرام |
| ہم پر ہوا حلال کوئی لمس تو کھلا |
| ہر اک لطیف چیز نہیں کلیتاً حرام |
| سادہ دلی سے دہر میں چلنا محال ہے |
| اس دورِ چال باز میں ہے بھولپن حرام |
| اس کا برا مناتی ہے تنہائی میری ، دوست |
| خود پر نہیں کی باخوشی ہر انجمن حرام |
| خود آج گریہ زار ہے فطرت کی چوٹ سے |
| کل تک ہمارے حال پہ تھا خندہ زن حرام |
| اس حسنِ آتشیں کو سراہا قمرؔ ضرور |
| جل کر اس آگ میں نہ کیا تن بدن حرام |
| قمرآسیؔ |
معلومات