| غم سے لڑے ہر بشر، اس نئے ماحول میں |
| کیسے ہو سب کا گزر اس نئے ماحول میں |
| نفرتوں کے بیخ جو بوئے گئے ہر جگہ |
| بن گئے ہیں اب شجر، اس نئے ماحول میں |
| کیسے کوئی چل سکے سر پھروں کی بھیڑ میں |
| چاروں طرف شر کے سر، اس نئے ماحول میں |
| دیکھتے ہی دیکھتے زہر اگلنے لگا |
| مجمعِ شخص و بشر، اس نئے ماحول میں |
| کچے دماغوں میں جو سوچ نفی کی بھری |
| دکھ رہا اس کا اثر، اس نئے ماحول میں |
| خار بچھانے لگے غنچے جواں ہوتے ہی |
| کو بہ کو و در بہ در اس نئے ماحول میں |
| پہلے کوئی بات لگتی نہیں تھی جان کو |
| اب فسوں جادو سحر، اس نئے ماحول میں |
| پیار و محبت کو ہی ختم کرے ظلم سے |
| بن کے شقی راہبر، اس نئے ماحول میں |
| زخم سہے آج تک دل نے شکایت نہ کی |
| خوف سے کانپے جگر، اس نئے ماحول میں |
معلومات