نعتوں کو لکھتے لے لوں میں قربت ہے آپؐ کی
دل میں بڑھاتے جاؤں عقیدت ہے آپؐ کی
دندان بھی شہید ہوئے تھے حضورؐ کے
غزوہ احد کی ایسی شجاعت ہے آپؐ کی
جب لاش حمزہؓ کی بے کفن پائی تھی وہاں
بڑھتی گئی تھیں ٹیسیں، صعوبت ہے آپؐ کی
انصار کا سوالِ غنیمت سلجھ گیا
غزوہ حنین میں دے دی صحبت ہے آپؐ کی
نو مسلموں کو چیزیں ضروری عطا ہوئیں
پائے مدینہ والے رفاقت ہے آپؐ کی
ذاتی مکان میں بھی نہ لوٹیں دُوبارہ تھے
سب وقف کر دیا، یہ سخاوت ہے آپؐ کی
قربانی کا ہمیں یہی ناصؔر سبق دیا
پھر پیش ہو ثبوت، محبت ہے آپؐ کی

0
23