| اسے میری محبت جو اداکاری سی لگتی ہے |
| مجھے تو اس کے دل پر چار دیواری سی لگتی ہے |
| عطا جب حسن ہو پھر تو یہ بے مہری نہیں ہوتی |
| مجھے اس کی یہ اپنے دل سے غدّاری سی لگتی ہے |
| جدائی یوں بھی انساں پر اثر انداز ہوتی ہے |
| کہ ہنستی مسکراتی شکل بے چاری سی لگتی ہے |
| سیہ زلفیں، مدھر باتیں، غزل آنکھیں غضب ڈھائیں |
| مجھے اے جاں تری ہر اک ادا پیاری سی لگتی ہے |
| بہت پہلے، چلا تھا میں غلط چالیں محبت میں |
| وہ پچھتاوے کی دل سے جنگ اک جاری سی لگتی ہے |
| کبھی ثاقبؔ وہ میری بات سنجیدہ نہیں لیتا |
| اسے شیریں زباں سے اب جو بے زاری سی لگتی ہے |
معلومات