| مری زندگی ہے پیام محبت |
| محبت ہے میری بنام محبت |
| مجھے شاعری نے سکھایا تکلم |
| یہ غزلیں ہیں میری کلام محبت |
| محبت پہ قربان دنیا یہ ساری |
| کوئی مجھ سے پوچھے جو دام محبت |
| صنم کو میں اردو ادب ہی سکھاؤں |
| مرے نام کر دے جو شام محبت |
| گلے سے لگا کر جو دیکھا غموں کو |
| سمجھ مجھ کو آیا یوں جام محبت |
| وہ باتیں کرے تو لگے مجھ کو ایسا |
| کہ جادو ہو جیسے کلام محبت |
| کھلیں پھول الفت کے ہم جب بھی بولیں |
| ہو چاروں طرف یوں قیام محبت |
| جگر درد غالب ولی اور مومن |
| سبھی کو ہے میرا سلام محبت |
| GMKHAN |
معلومات