| ہیں مصطفیٰ سے سارے فطرت میں رنگ آئے |
| نغمے جمالِ جاں کے کونین نے ہیں گائے |
| ہیں پیارے چندہ تارے یہ مہر بھی ہے تاباں |
| نورِ نبی سے رب نے یہ سارے ہیں بنائے |
| کونین میں ہے رونق تشریفِ مصطفیٰ سے |
| نغماتِ دلبری ہیں ذروں نے بھی سنائے |
| زیرِ قدم نبی کے زینت ہے دو سریٰ کی |
| پیارے نبی کو مولا خود عرش پر بلائے |
| پردے میں حسن اُن کا مرضی ہے کبریا کی |
| کیوں حسنِ جاناں مولا غیروں کو بھی دکھائے |
| لیکن ہے فیض اُن کا دونوں جہاں میں پھیلا |
| کچھ خال سمجھیں اس کو کثرت نہ جان پائے |
| جو بے نیاز مولا سب سے کریم بھی ہے |
| محمود! وہ ہے قادر، کرتا ہے وہ، جو بھائے |
معلومات