| جو ہماری تھی آرزو کرتی |
| کاش ہم سے بھی گفتگو کرتی |
| ہر سُو خاموشیاں نہ چھا جاتیں |
| وِرد میرا جو خوش گُلو کرتی |
| کیوں نہ مہتاب سی ہمیں لگتی |
| روشنی تھی چہار سُو کرتی |
| تھا عجب سا نشہ نگاہوں میں |
| آنکھ کو جام اور سُبو کرتی |
| ہم نے خود کو خدا سمجھنا تھا |
| تھی محبت وہ باوضو کرتی |
| نوچ لاتے ہیں پتّیاں گل کی |
| گر طلب ہے وہ رنگ و بُو کرتی |
| مال و زر کی ہوّس جو پیدا ہو |
| اپنوں کو بھی ہے پھر عدُو کرتی |
| ہوتی رسوا کبھی نہ قوم مری |
| جو کبھی فکرِ آبرو کرتی |
| بیچ ڈالی جو قوم نے ہے خودی |
| اب تقاضا ہے کُو بہ کُو کرتی |
معلومات