| کتنا جدا جدا ہے ترا میرا سازِ خُو |
| تُو ہے نشاطِ زیست میں ہوں سوزِ آرزو |
| تجھ خوش ادا کو دیکھ کے حیرت سی ہوتی ہے |
| کس ظلم کے عوض ہمیں بخشا گیا ہے تُو |
| میں دشت دشت زہرِ نفس کھا کے آیا ہوں |
| کس کس دلِ سیاہ میں جانے سفر کیا |
| میں شخص شخص سے ملا ہر سمت ڈھونگ تھا |
| کس کس فریب سے بچا کیا کیا مکَر کیا |
| میں لمحہ لمحہ حالِ فسوں میں تھا مبتلا |
| کس کس شکیب سے کسی حالت کو سر کیا |
| میں خواب خواب ایک شناسائی میں رہا |
| کس کس رہِ سراب میں کیا کچھ دگر کیا |
| کتنا تھکا دیا ہے نظامِ حیات نے |
| قصہ سواۓ رستۂِ دشوار کچھ نہیں |
| میں تنگ ہو چکا ہوں شعورِ جنون سے |
| حیف اور ماجراۓ دلِ زار کچھ نہیں |
| پھر کیسے کوئی شخص مجھے کھینچے جاتا ہے |
| شب کا کوئی برَم ہے یہ یا صبح کا چراغ |
| کس حال میں ہے حالتِ منظر نہیں پتا |
| کس گرد کی لپیٹ میں ہیں یہ دل و دماغ |
| اک اجنبی سا فہم اک انجان آس ہے |
| خاموش بھی نہیں نہ کبھی کچھ کہا مجھے |
| میں تو وبال تھا مگر اس مہربان نے |
| حیریت سے سوچتا ہوں کہ کیسے سہا مجھے |
معلومات