| دنیا قسم خدا کی جہنم سے کم نہیں |
| ناپائيدار زندگی ماتم سے کم نہیں |
| سو سو طرح کے پھول کِھلیں صحنِ دل کے بیچ |
| آنا ترا بہار کے موسم سے کم نہیں |
| قہر و غضب کے آپ کلہاڑے چلائیے |
| سینہ ہمارا ہیزمِ شیشم سے کم نہیں |
| آبِ دہن کا ذائقہ بوس و کنار میں |
| ہرگز سوادِ شربتِ زمزم سے کم نہیں |
| کیا ذکر کیجے خوبیِ پستانِ یار کا |
| اک فربہ تن چھلے ہوئے شلجم سے کم نہیں |
| میکش کو شیخ! کافر و زندیق کہتا ہے |
| لڑکا تمھارا مفتیِ اعظم سے کم نہیں |
| مجروحِ تیغِ عشق کو آرام چاہیے |
| تنہاؔ! تمھارے شعر بھی مرہم سے کم نہیں |
معلومات