| ملاؤں ہاں میں ہاں سب کی تو سارے کام ہو جائیں |
| ذرا سا سچ اگر بولوں تو قصہ تام ہو جائے |
| مرا دل توڑ بھی ڈالے تو نادانی ہے یہ ان کی |
| مگر میں ہنس کے بھی بولوں تو یہ الزام ہو جائے |
| ذرا سی زندگی ہے خوش رہو اور خوش رکھو سب کو |
| خبر کس کو کہاں کب زندگی کی شام ہو جائے |
| یہ میری ہی تو بخشش ہے جو اتنا سرخرو وہ ہے |
| مرے کردار بن اس کی کہانی خام ہو جائے |
| زباں کو روک رکھا ہے کسی کی شرم میں عاثِرؔ️ |
| حقیقت گر بیاں کر دوں تو وہ بدنام ہو جائے |
معلومات