| شام بھی ہو جائے گی یہ دِل نشِیں آئے گا وہ |
| آرزوئیں ہو رہی ہیں جاگزیں آئے گا وہ |
| پہلے بھی وعدوں سے اپنے کب کِیا ہے اِنحراف |
| اب وچن جو دے دیا تو بِالیقیں آئے گا وہ |
| مُڑ گیا تھا موڑ جو پہلے کبھی اِک موڑ پر |
| آخرِش تھک ہار کر مُڑ کر وہیں آئے گا وہ |
| مانتا ہوں ایک مُدّت سے رہی تُو پیاس میں |
| اب نہِیں رونا ہے چشمِ آبگِیں، آئے گا وہ |
| اب تو رکھنا ہی پڑے گا تُجھ پہ پتھر میرے دِل |
| کب تلک جُھوٹی تسلّی دُوں، نہِیں آئے گا وہ |
| گُلستانِ دل کے سارے رنگ و گُل جِس پر نِثار |
| وہ رُخِ تاباں، رُخِ گُل آتشِیں آئے گا وہ |
| جا ہے جِس کی جو وہاں کو کھینچ ہی لے گی رشِید |
| ٹھوکریں کھا کر، جہاں کا ہے وہیں آئے گا وہ |
| رشید حسرتؔ |
معلومات