| نعرۂ مستانہ پھر سے اے کہ عالم گیر کر |
| گونج اٹھے ساری دنیا یوں بلند تکبیر کر |
| پھر سے ہوجا مضطرب جاں، اے صفت سیلِ رواں |
| پھر گزر جا دشت و دریا کے دلوں کو چیر کر |
| خاک و خوں ہے ملتِ اسلامیہ اے چارہ گر ! |
| جذبۂ ایثار سے پھر قوم کی تعمیر کر |
| اب نہیں وہ مردِ میداں ، اب نہیں وہ رزم گاہ |
| گردشِ ایام کی اب عقل سے تسخیر کر |
| مات دے شطرنج کے اس بازی گر کو اے رقیب ! |
| فیلِ بے زنجیر کو یوں حلقۂ زنجیر کر |
| حکمت و دانائی سے بھر پور کوئی چال چل |
| جذبۂ عزم و جنوں سے سرنگوں تقدیر کر |
| حادثاتِ دہر کو یوں ٹال نہ تقدیر پر |
| اٹھ کہ اے غافل ! کوئی اب کارگر تدبیر کر |
| ہے یہ دورِ مکر و تزویر و فریب و چھل ، کپٹ |
| عقل و دانش کی اے شاہؔی ! تیز تر شمشیر کر |
معلومات