| گِرہ بَر مصارعِ خدائے سُخن |
| اشک آنکھوں میں کب نہیں آتا؟ |
| ذکرِ شبیرؑ جب نہیں آتا |
| خوف آتا ہے حشر سے لیکن |
| جب وہ آتے ہیں تب نہیں آتا |
| غمِ دنیا کِیا امامؑ نے دور |
| سو وہ مدت سے اب نہیں آتا |
| دھیان جاتا ہے کربلا کی طرف |
| گریہ کچھ بے سبب نہیں آتا |
| ہم کو حُکمِ سَکوت ہے ورنہ |
| بات کا کس کو ڈھب نہیں آتا |
| جی میں ہے شاہؑ سے کہیں دل کی |
| پر سُخن تا بہ لب نہیں آتا |
| سر پہ شاہدؔ رَکھا ہے نَعلِ حُسینؑ |
| عشق بن یہ اَدب نہیں آتا |
معلومات