| غزل |
| نشتر پکڑ کے خار کو دل سے نکال دوں |
| سوچا خیالِ یار کو دل سے نکال دوں |
| دل کو مرے بدل دیا اک لالہ زار میں |
| اس بے مزہ بہار کو دل سے نکال دوں |
| آتش کدہ بنا دیا اس دل کا خاک داں |
| کمبخت اس شرار کو دل سے نکال دوں |
| سازش سے جس نے خواب خزینے چرا لئے |
| اُس دل کے پاسدار کو دل سے نکال دوں |
| منزل نہ کوئی راستہ راحت فزا ملے |
| جب تک نہ کوئے یار کو دل سے نکال دوں |
| اب بھیڑ لگ گئی ہے بہت خواہشات کی |
| ایسا کروں دو چار کو دل سے نکال دوں |
| قرنوں سے جس پہ آس کی شمعیں نہیں جلیں |
| منحوس اِس مزار کو دل سے نکال دوں |
| جس پر خوشی کی دھن میں اداسی کے سر لگیں |
| بیکار ایسے تار کو دل سے نکال دوں |
| جو میرے دُکھ میں مجھ سے ذیادہ فغاں کرے |
| کم ظرف غم گسار کو دل سے نکال دوں |
| سوچوں پہ اُس نے میری تسلط جما لیا |
| کیسے سِتم شعار کو دل سے نکال دوں |
| کب تک ملول بیٹھا رہوں گا شہاب جی |
| رُو دُھو کے اِس غُبار کو دل سے نکال دوں |
| شہاب احمد |
| ۱۵ فروری ۲۰۲۰ |
معلومات