| نَظمیہ غَزَل: تا حَیات اِسْتِثْنا!!! (حِصَّہ دوم) |
| —— |
| مُنہ پَہ ایک کالک کی ہے دوات اِسْتِثْنا |
| تا حَیات اِسْتِثْنا، واہیات اِسْتِثْنا |
| سَب چَمَن ہے خَطْرے میں، اَب چَمَن ہے خَطْرے میں |
| ڈال ڈال اِسْتِثْنا، پات پات اِسْتِثْنا |
| ڈاکے اور چوری کا سومناتِ اِسْتِثْنا |
| آنے والے وَقْتوں کی مُشْکِلات اِسْتِثْنا |
| سَب کے سَب لُٹیروں کو اِس طرح سے آیا ہے |
| راس کُبڑے عاشق کو جیسے لات، اِسْتِثْنا |
| پڑھنے لِکھنے والوں کو بھی سَمجھ نَہِیں آیا |
| گُنجَلَک حوالوں کا شَش جِہات اِسْتِثْنا |
| جانے آپ کو اُن پَر تَرْس کیوں نَہِیں آتا |
| وہ جو ہو نَہِیں پائے شامِلات اِسْتِثْنا |
| اِن کو آپ رَہنے دیں اِن کی تو یہ عادت ہے |
| مانگتے ہی رَہتے ہیں دِن ہو رات، اِسْتِثْنا |
| ہم خُدا پَرستوں کی کُل اثاث دَرویشی |
| اور ہَوس پَرستوں کی کائنات، اِسْتِثْنا |
| لینے دینے والوں کو کُچھ خَبَر نَہِیں ہونی |
| جلد ہونے والا ہے بے ثَبات اِسْتِثْنا |
| (مرزا رضی اُلرّحمان) |
معلومات