| یہ زندگی اے مولا حمد و ثنا میں گزرے |
| ذکرِ حبیبِ رب میں یادِ خدا میں گزرے |
| کر دے کرم کریمی دائم ہو خوش نصیبی |
| تیری عطا سے جیون تیری رضا میں گزرے |
| بطحا وطن ہو میرا سرکار کی گلی ہو |
| ہر رات دن خدایا ایسی جگہ میں گزرے |
| رونق ہے جو مدینے گلزارِ دلربا میں |
| اُس جا یہ وقت میرا صلے علیٰ میں گزرے |
| روشن تجلیٰ دیکھوں بطحا کے رات دن ہوں |
| ہر لمحہ اے خدایا نوری فضا میں گزرے |
| بردہ رہے نبی کا سرکار کے نگر میں |
| ہر سانس زندگی کا صدق و صفا میں گزرے |
| محمود کر دعائیں فیاض تیرے آقا |
| جتنا ہے وقت باقی اُن سے وفا میں گزرے |
معلومات