بخشش کی رات ہے یہ شفاعت کی رات ہے |
اے مومنو سنو! یہ عبادت کی رات ہے |
قسمت سے مل گئی ہے مبارک گھڑی ہمیں |
سجدہ قیام اور تلاوت کی رات ہے |
کر دے خطا سے پاک طفیلِ شبِ برات |
مولیٰ! تِرے کرم کی عنایت کی رات ہے |
رحمت خدائے پاک کی چھائی ہے ہر طرف |
خوشبو ہے بھینی بھینی لطافت کی رات ہے |
تیری مراد پوری کرے گا خدائے پاک |
لطف و کرم کی رات سخاوت کی رات ہے |
دوزخ کی آگ سے تجھے مل جائے گی نجات |
بندوں کے واسطے یہ سعادت کی رات ہے |
ملتی ہے ہر دعا کو تصدق! قبولیت |
کثرت سے کر لے توبہ اجابت کی رات ہے |
معلومات