| سینہ میں جاگزیں ہے عقیدت حضورؐ کی |
| ہرگز نہ مٹ سکے گی محبت حضورؐ کی |
| رب غفور ﷻ سے جڑی نسبت حضورؐ کی |
| ممتاز سارے نبیوں میں عظمت حضورؐ کی |
| سرکارؐ کی حیات طیبہ کا عکس ہے |
| قرآن سے جھلکتی ہے سیرت حضورؐ کی |
| تکمیل دین ذات مقدسؐ کی ہے عطا |
| سوغات حق شناسی، عنایت حضورؐ کی |
| محبوبؐ کبریا بھی، امامؐ رسول بھی |
| نایاب و بے مثال رسالت حضورؐ کی |
| پہلے نہ کوئی آپؐ سا آیا نہ کوئی بعد |
| ہے برتر و بلند وجاہت حضورؐ کی |
| حسرت یہی ہے پا سکوں ناصؔر کرم کی خیر |
| مل جائے روز حشر شفاعت حضورؐ کی |
معلومات