| اے قرارِ قلب و سینہ تم پہ ہوں لاکھوں سلام |
| شاہِ ابرارِ مدینہ تم پہ ہوں لاکھوں سلام |
| ظلمتوں سے بھی نکالا ہم کو تم نے مصطفی |
| تم نے سکھلایا ہے جینا تم پہ ہوں لاکھوں سلام |
| ہم تکیں شہرِ مدینہ تیرا تم پہ لاکھوں درود |
| آئے قسمت میں وہ مہینہ تم پہ ہوں لاکھوں سلام |
| تیری گلیوں میں پھریں قسمت میں آئے بہار |
| ہم تکیں شہرِ مدینہ تم پہ ہوں لاکھوں سلام |
| ہم کبھی تو چوم لیں وہ جالیاں بھی روضے کی |
| ایسا بن جائے قرینہ تم پہ ہوں لاکھوں سلام |
| بے کسوں کے ملجا تم ہو ، مفلسوں کے ماویٰ تم |
| عاصیوں کا تم حزینہ تم پہ ہوں لاکھوں سلام |
| موت آئے روضے پر عاجز، بقیعِ پاک میں |
| ہم کو مل جائے دفینہ تم پہ ہوں لاکھوں سلام |
| حشر میں سوکھیں گلے ،کوثر پلانا تم ہمیں |
| اے شہنشاہِ مدینہ تم پہ ہوں لاکھوں سلام |
| قبر و حشر و پل پہ عاجز کی مدد کو آنا تم |
| ہو عطا ہر جا سکینہ تم پہ ہوں لاکھوں سلام |
معلومات