| ہَے خُسارے میں یہ اِنسان زمانے کی قَسم |
| ہَے یہی آیَتِ قُرآن زمانے کی قَسم |
| اپنی خواہِش کے تَعاقُب میں بھٹکتا ہے سَدا |
| جِس میں ہے اُس کا ہی نُقصان زمانے کی قَسم |
| دَولت و جاہ میں مَغرور ہُوا پِھرتا ہے یہ |
| ہَے یہ سب سے بڑا نادان زمانے کی قَسم |
| نَفس کے ہاتھ میں دے دی ہے قِیادَت اُس نے |
| ہُوا اِنسان سے حَیوان زمانے کی قَسم |
| راہِ قُرآن سے جو رِشتہ نِبھائے رکھّے |
| ہَے وُہی رَب کے ہاں ذی شان زمانے کی قَسم |
| رَب کے رستے میں عتیق اپنا یہ تَن مَن تو لگا |
| ہَے یہی باعثِ غُفران زمانے کی قَسم |
معلومات