| اٹھا جس کی طرف میرا قدم تھا |
| بہت ہی بے وفا میرا صنم تھا |
| کیا ہر پل مجھے اس نے ہی رسوا |
| محبت تھی کوئی یا پھر الم تھا |
| دیا غیروں نے ہی مجھ کو دلاسا |
| ترا مجھ پہ ہمیشہ سے ستم تھا |
| تغیر چل رہا تھا دل میں تیرے |
| مجھے تیری محبّت کا بھرم تھا |
| بھروسہ تھا مجھے جس پر بڑا ہی |
| اسی نے ہی کیا اس کو قلم تھا |
| نہیں تھی آشنا سے کچھ امیدیں |
| کہ غیروں کا ہمیشہ سے کرم تھا |
| میں اس کی وصف لکھتا تھا ورق پر |
| محبت سے بھرا میرا قلم تھا |
| مجھے شکوہ نہیں ہے اس پری سے |
| کہ میرے بخت میں دھوکہ رقم تھا |
| نکل جاؤ کہا تھا زندگی سے |
| وہاں پر ہی ختم بس میرا دم تھا |
| تجھے حسانؔ ملتا کچھ یہاں کیا |
| مقدر میں ترے بس غم ہی غم تھا |
معلومات