| یہ لب ہیں کہ یاقوت و مرجاں ہوئے |
| مری جان کیا خوب انساں ہوئے |
| مہک ان کی ہر سُو بکھرنے لگی |
| گل و لالہ بھی آج حیراں ہوئے |
| کبھی ان سے نکلی جو شیریں سخن |
| تو غنچے چمن کے غزل خواں ہوئے |
| کسی نے نہ دیکھے وہ لعلِ گراں |
| پسِ پردہِ دل وہ پنہاں ہوئے |
| ہزاروں ہوئے قید ان کے سبب |
| جہاں میں عجب لوگ زنداں ہوئے |
| پھر اک روز جب گفتگو کی گئی |
| کئی لب یہاں زیرِ فرماں ہوئے |
| بیاں جب ہوئے حُسنِ یارِ ندیم |
| قلم بھی مری آج قرباں ہوئے |
| بہاریں جھکیں ان کے قدموں پہ اب |
| "ندیم" ان لبوں سے حسیں تر ہوئے |
معلومات