| آداب عرض ساقی |
| لے آؤ جو ہے باقی |
| مہلک ہو یا ہو شافی |
| ہر مے ہے مجھ کو کافی |
| کیا حال ہے سناؤ |
| کچھ اپنا بھی بتاؤ |
| لیکن رکو ذرا کہ |
| پہلے مری ہی سن لو |
| کہ دل فگار ہوں میں |
| کچھ بے قرار ہوں میں |
| شکوہ گزار ہوں میں |
| آتا ہوں شوق سے میں |
| اس بزم میں تمہاری |
| لیکن یہ کیا کہ تم میں |
| ہوتی ہے اپنی خواری |
| تم ہی بتاؤ پیارے |
| میں نے یہ کب کہا ہے |
| مجھ کو سبو پلاؤ |
| جو ہوسکے میسر |
| مجھ کو وہی پلاؤ |
| بادہ ہو جام و مینا |
| جو چاہو لے کے آؤ |
| پر اے ستم کے خوگر |
| جور و جفا کے پیکر |
| یوں بزمِ دوستاں سے |
| مجھ کو نہ تم اٹھاؤ |
| وقعت مری نگہ میں |
| اپنی نہ تم گھٹاؤ |
| میری بھی بزمِ مے میں |
| تم بھی کبھی جو آؤ |
| محفل ہے عام میری |
| ہر بزم بزمِ شاہی |
| گھر میرا جابجا ہے |
| در میرا سب پہ وا ہے |
| آتے ہیں آنے والے |
| اے دوست تم بھی آؤ |
| پر دل کے سلسلوں میں |
| دولت کبھی نہ لاؤ |
| الفت کے مے کدوں سے |
| ثروت کے خم ہٹاؤ |
| یہ دل کے گلستاں ہیں |
| الفت کے بیج ڈالو |
| الفت کے گل کھلاؤ |
| سوچو ! تمہیں ذرا یہ |
| اس دورِ خود غرض میں |
| کوئی کہیں کیوں آئے |
| آتا ہوں میں کہ مجھ کو |
| دل بستگی ہے تم سے |
| پر آج یہ بھرم بھی |
| جاتا رہا ہے میرا |
| بے آبرو ہوا ہوں |
| جو بزمِ غیر میں اب |
| کوئی مجھے کیوں پوچھے |
| کوئی مجھے کیوں جانے |
| صد چاک ہے مرا دل |
| محزوں ہے پیکرِ گل |
| خاموش ہے یہ بسمل |
| پھیکا ہے رنگِ محفل |
| دل کا نہ حال پوچھو |
| اب اس سے کچھ نہ پوچھو |
| دردوں کا سلسلہ ہے |
| اک زخم بے دوا ہے |
| اک آہ بے دعا ہے |
| بلبل ہو غنچہ ، گل ہو |
| گلشن تمام ویراں |
| مغموم سی فضا ہے |
| اب بزمِ دوستاں سے |
| یہ دل مرا خفا ہے |
| اتنا بھی اے ستم گر |
| بے کس پہ ظلم مت کر |
| بارِ غمِ جہاں ہے |
| اس جانِ ناتواں پر |
| جس بار کے تلے یہ |
| دب کر بکھر گیا ہے |
| دیکھو ابھی یہیں تھا |
| اب کہ کدھر گیا ہے |
| چھوٹے سے اس جہاں میں |
| ڈھونڈو تو مل بھی جاؤں |
| دیکھو ادھر ادھر کہ |
| میں بھی یہیں کہیں ہوں |
معلومات