| دھوم دھرتی فلک پر مچی ہے |
| جب نبی کی ولادت ہوئی ہے |
| صبحِ صادق کی دلکش گھڑی ہے |
| جب نبی کی ولادت ہوئی ہے |
| ذرّے ذرّے سنو ! جگمگاتے |
| چاند سورج سے آنکھیں مِلاتے |
| آج دھرتی بھی دلہن بنی ہے |
| جب نبی کی ولادت ہوئی ہے |
| عطرِ رحمت فرشتے چھڑکتے |
| جسکی خوشبو سے کوچے مہکتے |
| خوشبووں سے معطر گلی ہے |
| جب نبی کی ولادت ہوئی ہے |
| مسکراتی کلی کی جوانی |
| آج برسا ہے ساون کا پانی |
| گلشنِ مرگ میں تازگی ہے |
| جب نبی کی ولادت ہوئی ہے |
| جن کا میلاد خود رب منائے |
| طائرِ سدرہ جھنڈا لگائے |
| لب پہ غلماں کے نعتِ نبی ہے |
| جب نبی کی ولادت، ہوئی ہے |
| لات و عزّٰی صنم گر پڑے ہیں |
| کفر کے قصر میں زلزلے ہیں |
| بت کدہ میں مچی کھلبلی ہے |
| جب نبی کی ولادت ہوئی ہے |
| سارے ابلیس، رنجیدہ ہوتے |
| اہلِ باطل بھی شرمندہ ہوتے |
| دور ہونے لگی تیرگی ہے |
| جب نبی کی ولادت ہوئی ہے |
| ہو گیا چار سو اب اجالا |
| ہر طرف دین کا بول بالا |
| روشنی نور کی روشنی ہے |
| جب نبی کی ولادت ہوئی ہے |
| شمع عشقِ نبی کی جلائیں |
| بزمِ سرکار آؤ ! سجائیں |
| جشنِ عیدِ میلاد النبی ہے |
| جب نبی کی ولادت ہوئی ہے |
| سارا جگ جھوم کے مسکراتا |
| ہر کوئی آج خوشیاں مناتا |
| جھومتی چاند کی چاندنی ہے |
| جب نبی کی ولادت ہوئی ہے |
| مل گیا اے تصدق ! سہارا |
| یا نبی ہم نے جب ہے پکارا |
| مسکرانے لگی زندگی ہے |
| جب نبی کی ولادت ہوئی ہے |
معلومات