| دعا ہے زیست کے آنگن میں ہو بہار سدا |
| جوان دل رہے، صحت ہو برقرار سدا |
| نظر میں ایک چمک لب پہ مسکراہٹ ہو |
| رہے حسین سے چہرے پہ یہ نکھار سدا |
| جو کیک دیکھ کے یاروں کے کھل اٹھے چہرے |
| رہیں خدایا یہ چہرے بھی خوشگوار سدا |
| سجی ہے آج کی محفل ہمارے پیاروں سے |
| یہ خاص لوگ ہیں ان سے ملا ہے پیار سدا |
| بجھائی شمع تو سب یک زبان بول پڑے |
| منائے یوں ہی جنم دن تو بار بار سدا |
| خدا کرے تری مسکان یوں رہے قائم |
| جہاں رہے وہاں خوشیوں کا ہو حصار سدا |
معلومات