| یہ تو ایسی نہیں ہے بات نئی |
| روز ہوتی ہے شہ کو مات نئی |
| دل پہ پہرے بٹھا کے رکھے تھے |
| ہو گئی کوئی واردات نئی |
| آجکل رسم ہے خفا ہونا |
| چال آئی ہے اس کے ہاتھ نئی |
| کب پذیرائی اس کو ملتی ہے |
| وہ جو تحقیق لائے ساتھ نئی |
| اب وہ تعبیر چاہے مرضی کی |
| رویا دیکھی ہے جس نے رات نئی |
| ناک نقشہ بدل گیا ہے اب |
| گرچہ لگتی نہیں ہے ذات نئی |
| اوڑھنی سر پہ کیوں نظر آئے |
| وہ تو اپنائیں گے حیات نئی |
| ہے ترقّی کے نام پر فتنہ |
| ڈھونڈی شیطاں نے اب ہے گھات نئی |
| اب تجارت ہو اور سک کوں سے |
| اُس میں سونا نہ کوئی دھات نئی |
| اگلے وقتوں کے لوگ ہم طارق |
| کب سُنیں کوئی واہیات نئی |
معلومات