نہ ہوئی پیروی روایت کی |
میں نے اس دور میں بغاوت کی |
میں نے سچ بولنے کی جرأت کی |
مجھ کو تھی آرزو شہادت کی |
اپنا حق چھیننا ہے اب مجھ کو |
اب گھڑی آ گئی قیامت کی |
اس کی دستار ٹھوکروں میں ہے |
جس نے مظلوم کی حمایت کی |
جب کھلا اصل ماجرا مجھ پر |
کرچیاں ہو گئیں شرافت کی |
زندگی جبر اک مسلسل ہے |
زندہ رہنے کی کیوں جسارت کی |
جب میں اونچے نشان میں آیا |
میرے اپنوں نے بھی عداوت کی |
آج تک ظلم ہی سہے میں نے |
تم بتاؤ کبھی شکایت کی |
بزدلوں کے جہان میں شاہد |
کھول کر لب یونہی حماقت کی |
معلومات