| مومنوں کا ہو سمعنا اور اطعنا پر عمل |
| سوچنے میں رائیگاں کرتے نہ ہوں وہ کوئی پل |
| ہو اطاعت دل سے اللہ اور رسولِ پاک کی |
| ہے اسی سے قدر ہر اک صاحبِ ادراک کی |
| طاعتِ معروف سے عزّت خس و خاشاک کی |
| اس کی درگہ میں پہنچ ہوتی نہیں نا پاک کی |
| مان لیں احکامِ رب اور سب فرامینِ رسول |
| ہے اطاعت سے ہی وابستہ خلافت کا نزول |
| وعدہ تب جا کر خلافت کا خدا نے ہے دیا |
| مومنو ں نے جب اطاعت کا سبق ازبر کیا |
| تمکنت ان کو ملے راضی رہے ان سے خدا |
| امن کی حالت میں بدلے وقت پھر وہ خوف کا |
| شکر کے سجدے بجا لائیں وہ پھر پڑھ کر نماز |
| مال میں حقدار کا حصّہ ہو تب ہوں سرفراز |
| فر ض کی صورت ادا ہو ہر کوئی حکمِ رسول |
| ہے اطاعت اس کی واجب یہ کبھی جائیں نہ بھول |
| دیکھ لو آیاتِ قرآں میں اطاعت کا اصول |
| ہے اطاعت سے ہی وابستہ خلافت کا حصول |
| ہو خلافت کی اطاعت میں اگر یہ سر جُھکا |
| ہے یہی ردِّ بلا کا ایک نسخہ کیمیا |
| ہم خدایا تیری طا عت پر کمر بستہ رہیں |
| اور خلافت کے چمن میں بن کے گُلدستہ رہیں |
| تُو نے ڈالا ہے خلافت کا دلوں میں ایسا پیار |
| جان و دل کرتے ہیں طارق ہم خلافت پر نثار |
معلومات