| رحمت کے باراں لائے چاہت درود کی |
| اور خلد لے کے جائے چاہت درود کی |
| سینے میں دیکھ لو گے لائے جو یہ بہار |
| تاباں یہ دل بنائے چاہت درود کی |
| ڈالو گے پھر کمندیں تاروں کے پار بھی |
| یوں ولولہ دلائے چاہت درود کی |
| رسیا بنا لو دل کو ان پر سلام کا |
| دیکھو جو رنگ لائے چاہت درود کی |
| روشن کریں بصیرت ایسی سعادتیں |
| تربت کو جگمگائے چاہت درود کی |
| آتی ہے ساتھ لے کر پھولوں بھری بہار |
| غنچے عجب کھلائے چاہت درود کی |
| ان پر درود کا تو محمود ڈھنگ جان |
| دربار جاں دکھائے چاہت درود کی |
معلومات