| یہ زندگی سمندر |
| چھوٹی سی ایک ناؤ |
| ناؤ کا ناخدا میں |
| لہروں کے ہیں تھپیڑے |
| پانی بھی کم بچا ہے |
| اور بادبان اس کا |
| جو کب کا پھٹ چکا ہے |
| منزل بھی بے وفا ہے |
| کالی بہت گھٹا ہے |
| ساحل جو اب ملا تو |
| مجھ کو نہیں ہے جینا |
| بے نام مقبروں کا |
| میں اب نہیں ہوں قائل |
| مٹی سے میرا رشتہ |
| تھا سرسری ہمیشہ |
| مجھ کو نہ راس آئی |
| میں کب رہا زمیں پر |
| زندہ تھا پانیوں پر |
| اب مر کے پانیوں میں |
| تھا ابتدا میں پانی |
| ہے انتہا میں پانی |
| جلدی سے نام اس کا |
| اپنے لہو سے لکھ کر |
| بوتل میں قید کر کے |
| اب میں نے رکھ لیا ہے |
| امید بس یہی ہے |
| یہ آخری دعا ہے |
| وہ نام جو لکھا ہے |
| ساحل پہ کاش پہنچے |
معلومات