جانِ خوباں نورِ یزداں سیدِ عالی وقار |
شاہِ شاہاں جانِ جاناں رحمتِ پروردگار |
آ گئے سرکار باراں رحمتوں کے آگئے |
آ گئے دلدار میرے دیکھ لیں آئی بہار |
مصطفیٰ ہیں دلربا جو لائے ہیں تشریف آج |
خوشیاں دیکھیں جا بجا اس دل میں آیا ہے قرار |
میرے آقا میرے داتا آمنہ کے لال ہیں |
لینے آئی جب حلیمہ دیکھتیں تھی بار بار |
آسماں پر شادیانے احمدِ مختار کے |
سب زمیں پر کہہ رہے ہیں آ گئے ہیں شہسوار |
ٹھنڈے ہیں آتش کدے سب منہ کے بل طاغوت ہیں |
ضوفشاں افلاق ہیں جلوہ بھرے لیل و نہار |
جان شانِ مصطفیٰ محمود جانے خود خدا |
وہ حسیں وہ دلربا ہیں کبریا کے خاص یار |
معلومات