| فرق بینائیوں سے لگتا ہے |
| زخم رُسوائیوں سے لگتا ہے |
| شہر میں لوگ سہمے رہتے ہیں |
| ڈر جو تنہائیوں سے لگتا ہے |
| جانے کب پھینک دے کنویں میں کون |
| خوف سا بھائیوں سے لگتا ہے |
| ڈھل گیا وقت کا بھی سورج اب |
| دیکھ ، پرچھائیوں سے ، لگتا ہے |
| آنے والا ہے کوئی گلشن میں |
| چمن آرائیوں سے لگتا ہے |
| جیسے منزل قریب آئی ہے |
| اتنی چڑہا ئیوں سے لگتا ہے |
| تہہ میں دریا بھی بہہ رہا ہو گا |
| دور تک ، کھائیوں سے لگتا ہے |
| مر مٹے دیکھ کر وفا یہ دل |
| کب یہ ہرجائیوں سے لگتا ہے |
| کوئی دل میں اگر اتر جائے |
| پاؤں گہرائیوں سے لگتا ہے |
| عشق آیا نہیں ہے راس جسے |
| تلخ ، دانائیوں سے لگتا ہے |
| کوئی بارات لے کے آیا ہے |
| دُور ، شہنائیوں سے لگتا ہے |
| طارقؔ اُس کی نظر پڑی ہو گی |
| تیری رعنائیوں سے لگتا ہے |
معلومات