| مولا ضیائے دل بھی جلوہ ہو یار کا |
| ہے منتظر چمن یہ ایسی بہار کا |
| ہر حسن کا ہے محور جلوہ جمالِ جاں |
| کل روپ کو پتہ ہے اس کے مدار کا |
| آقا کے ذکر میں ہی قلبی سکون ہے |
| ملجا سدا ہوا جو دل کے غبار کا |
| دل جاں فدا سخی تیری آل پاک پر |
| یہ ہی بھلا ہے رستہ دائم قرار کا |
| طاغوت کی ہے گردن ان کے لئے جھکی |
| ظلمت ہے ڈھونڈتی اب رستہ فرار کا |
| راہِ خدا میں عترت قربان اس نے کی |
| کب قصہ اور کوئی ایسا ہے پیار کا |
| محمود شان اس کی آئے نہ خرد میں |
| ہر روپ میں ہے پرتو جس حسنِ یار کا |
معلومات