| رسالت کا شہکار صدیقِ اکبر |
| صداقت کا معیار صدیقِ اکبر |
| انیسِ محمد وہ ایماں میں جَیِّد |
| خدا کا پرستار صدیقِ اکبر |
| مزارِ پُر انوار میں اب بھی ہے ساتھ |
| نبی کا وفادار صدیقِ اکبر |
| زرا دیکھ دونوں میں وہ دوسرا ہے |
| کہیں جس کو سرکار صدیقِ اکبر |
| جو قربان پونجی کرے اپنی ساری |
| ہے ایسا جگر دار صدیقِ اکبر |
| وہ جھوٹے ہیں شاہدؔ اِسے جو نہ مانیں |
| ہے سچوں کا سردار صدیقِ اکبر |
| پھر اُس کی زَباں سچ ہی بولے گی شاہدؔ |
| پکارے جو اِک بار صدیقِ اکبر |
معلومات