دِکھائی کیوں نہیں دیتا نشاں ہوتے ہوئے بھی |
نہیں ہوتا بیاں مَیں اب بیاں ہوتے ہوئے بھی |
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
یہ کس نے روک رکّھا ہے تُجھے سچ بولنے سے |
تو کیوں خاموش بیٹھا ہے زباں ہوتے ہوئے بھی |
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
نہیں کردار اُس کا اِس کہانی میں نہیں ہے |
نہیں وہ داستاں میں داستاں ہوتے ہوئے بھی |
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
تعجب ہے کہ کوئی آبیاری پر نہیں ہے |
شجر سُوکھے پڑے ہیں باغباں ہوتے ہوئے بھی |
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
ہوائیں شور کرتی ہیں مری خاموشیوں پر |
بڑا خاموش ہوں میں بیکراں ہوتے ہوئے بھی |
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
مرے ہوتے ہوئے بھی ڈھونڈتے ہیں لوگ مُجھ کو |
نہ جانے کیوں نہیں ہوتا وہاں ہوتے ہوئے بھی |
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
ہزاروں مشکلیں در پر کھڑی ہیں سوچتا ہوں |
حیاتی امتحاں ہے امتحاں ہوتے ہوئے بھی |
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
یہ مُفلس بد نصیبی کا کِسے قصّہ سنائیں |
نہیں چھت مانی سر پر آسماں ہوتے ہوئے بھی |
معلومات