| ارادہ بنا ہے دلی آرزو |
| رٹوں نامِ نامی سدا اللہ ہو |
| رسولِ خدا ہیں نبی آخری |
| خدا ذاتِ واحد صمد اللہ ہو |
| ملیں خبریں اس کی نبی پاک سے |
| ہے جس کی عطا سے پنپتی نمو |
| ہیں پہچاں خدا کی نبی مصطفیٰ |
| جو محبوبِ داور ہیں اور عبدُہُ |
| خفی ذاتِ باری ہے ظاہر وہی |
| وہ اول وہ آخر وہی چار سو |
| وظیفہ خلق کا ہے حمدِ خدا |
| ہے گردش فلک کی یہی جستجو |
| دیں اس کی گواہی ازل سے ابد |
| خلق زد میں اس کی نہیں ہے غلو |
| بڑی ذاتِ اقدس گراں ذکر ہے |
| کرے یاد اس کی دہر مستبو |
| صدائے بلالی اسی کے لئے |
| اسی کے لئے کربلا میں لہو |
| اے مولا عطا ہو حزیں کو سبو |
| کرے قلبِ محمود حق اللہ ہو |
معلومات