| ہر سمت جو کھوئی ہے نظر کچھ نہیں آتا |
| اب تیری محبت کا اثر کچھ نہیں آتا |
| اک شورشِ نادیدہ بپا رہتی ہے دل میں |
| باہر سے جو دیکھوں تو نظر کچھ نہیں آتا |
| ہر روز جو امید کا میں دیپ جلاؤں |
| ہر شام اداسی ہے جو گھر کچھ نہیں آتا |
| پہلے تو بھرا رہتا تھا یہ وسوسوں سے دل |
| اب دل میں بچھڑنے کا بھی ڈر کچھ نہیں آتا |
| اب تیرا یہ احساس ہوا برف کی مانند |
| اب بجھ چکی ہے آگ شرر کچھ نہیں آتا |
| پھر سوچ میں اپنی تُو خساروں کو نہ لانا |
| واپس بھی ترے پاس اگر کچھ نہیں آتا |
| ہر چیز پہیلی ہے کہ دھوکہ ہے یہاں پر |
| اب میری سمجھ میں تو ادھر کچھ نہیں آتا |
| اک شور سا رہتا ہے دلائل کا یہاں پر |
| اب میری سماعت میں مگر کچھ نہیں آتا |
| اس زیست کا ہر لمحہ جو گزرا ہے ہمایوں |
| کیوں لوٹ کے اب اس کا ثمر کچھ نہیں آتا |
| ہمایوں |
معلومات