| نَظمِیہ غَزَل (حِصَّہ سوم) |
| —— |
| عُذر تو شَمشِیرِ قاتِل دیکھیے |
| دِل کو میرے چِیر، جَم کے رَہ گئی |
| کِس لیے کرتے مُقَدَّر کا گِلہ |
| اَپنی تو تَقْدِیر جَم کے رَہ گئی |
| اِس قَدَر سَرْدی پَڑی ہے اِن دِنوں |
| وادئِ کَشمِیر جَم کے رَہ گئی |
| مَچھْلیاں اور ڈَھیر ساری مَچھْلیاں |
| حِرْصِ ماہی گِیر جَم کے رَہ گئی |
| ہو گئے نا کام سارے ٹوٹْکے |
| ہَر دَوا اکسِیر جَم کے رَہ گئی |
| خواہشِ تَکْمِیْل پَر کُہْرا پَڑا |
| حَسرَتِ تَعْمِیر جَم کے رَہ گئی |
| شِیرِیں کی بے اِلْتِفاتی کے سَبَب |
| کُھدْ کے جُوئے شِیر، جَم کے رَہ گئی |
| (مرزا رضی اُلرّحمان) |
معلومات