| سبھی ظالم سنبھل جاؤ کہ اب حق آنے والا ہے |
| سنو ظالم سروں کے بل تمہیں لٹکانے والا ہے |
| کیے تم نے مظالم جو اسی کا بدلہ لے گا وہ |
| یہ رتبہ شان شوکت سب سبھی کچھ جانے والا ہے |
| حکومت ظالمانہ جو بنا لی تم نے مغروری |
| یہ تخت و تاج آ کر حق اسے پلٹانے والا ہے |
| کرو تم ظلم جتنے بھی مگر سن لو سبھی ظالم |
| مظالم روکنے والا حکومت لانے والا ہے |
| ہے رب کا فیصلہ عابدؔ کہ باطل کو تو مٹنا ہے |
| ہے دنیا منتظر جس کی وہ مہدیؑ آنے والا ہے |
معلومات