| میرے نبیؐ کی آنکھ کا تارا حسینؓ ہے |
| ہم کو بھی اپنی جان سے پیارا حسینؓ ہے |
| زہراؓ کے دل کا ٹکڑا، دلارا حسینؓ ہے |
| میدانِ کربلا میں سہارا حسینؓ ہے |
| ایماں حسین کا ہے شجاعت حسینؓ کی |
| مشہور ہے جہاں میں شہادت حسینؓ کی |
| لے کر کے نکلا فوج شمر اپنی شام سے |
| لڑنے کے واسطے وہ پیارے امامؓ سے |
| سب کو کہا نکالنے خنجر نیام سے |
| کتنا تھا بغض اس کو پیاسے امامؓ سے |
| دونوں کی فوج ایک جہاں میں مثال ہے |
| واں پر یزید ہے یہاں زہراؓ کا لال ہے |
| میدانِ کربلا میں شمر نے غضب کیا |
| تیغیں چلائیں شاہؓ پہ خنجر بھی رکھ دیا |
| سلطانؓ کو نصیب نہ پانی تھا نے غذا |
| لیکن وہی تھی چہرے کی سرخی وہی ضیا |
| کھلتا رہے شجرؓ شہِؐ بدر و حنین کا |
| وہ زیرِ خاک ہو جو ہو دشمن حسینؓ کا |
| زینب وہاں پہ روکے یہ کرتی تھی وہ کلام |
| کیسے بچے گی اب یہاں جانِ شہِ انام |
| فوجوں کا یاں شمر کی ہے کوفہ تک اِزدِحام |
| کاتب بلا کے میرا یہ لکھ دیں کوئی پیام |
| گھیرے ہوئے ہیں سب یہاں حیدرؓ کے چین کو |
| آؤ مدینے والو بچاؤ حسینؓ کو |
| تا عمر ان کا سارا گھرانا ہی سان ہے |
| قائم اسی نواسے سے ناناؐ کی شان ہے |
| بنتِؓ نبیؐ، علیؓ کے دلوں کی وہ جان ہے |
| سب سے عظیم دیکھو انہی کا مکان ہے |
| سجدے میں سر ہے تن ہے قُعُود و قیام میں |
| تقوی ہے کس قدر یہاں فوجِ امامؓ میں |
| ظاہر رسالۂ شبِ دیجور ہو گئی |
| خوشیاں وہاں کی ساری ہی بے نور ہو گئی |
| جیسے کہ خوشبو مشک سے کافور ہو گئی |
| وہ ذات زندگی سے بھی اب دور ہو گئی |
| میداں میں آکے خون کا دریا بہا دیا |
| ہوتی ہے کیا وفائیں انہوں نے دکھا دیا |
| محمد حسانؔ |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| لو مومنو! بپا ہوا محشر بُکا کرو |
| تن سے جدا ہوا سرِ سرور بُکا کرو |
| لاشہ تڑپ رہا ہے زمیں پر بُکا کرو |
| نیزے پہ چڑھتا ہے سرِ اطہر بُکا کرو |
| کھیتی علیؓ کی لٹ گئی بستی اجڑ گئی |
| پردیس میں حسینؓ سے زینب بچھڑ گئی |
معلومات