| اک قبا اپنی کتر کے بیٹھے ہیں |
| شہر میں تیرے سنور کے بیٹھے ہیں |
| ڈوبنے کا ڈر نہیں ہے دل کو کچھ |
| راہ میں دیکھو بھنور کے بیٹھے ہیں |
| کاٹ کے زنجیر پاؤں کی پڑی |
| سائے میں ٹوٹے شجر کے بیٹھے ہیں |
| من پہ طاری ہے محبت کا نشہ |
| آسماں سے ہم اتر کے بیٹھے ہیں |
| سر پہ سایہ ہے ہمارے تپتا سا |
| بن کسی دیوار و در کے بیٹھے ہیں |
| روشنی ہے چاند کی جاں میں بھری |
| زخم جو لے کے جگر کے بیٹھے ہیں |
| آئینے میں دیکھ کے شاہد انہیں |
| فرش پر ہم آہ بھر کے بیٹھے ہیں |
معلومات