| لاکھوں اذیتیں ہو مگر چشم تر نہ ہو |
| تم کو ہمارے حال کی ہرگز خبر نہ ہو |
| میری نہیں بسات ترا سامنا کروں |
| دنیا حریف ہو، تُو مخالف مگر نہ ہو |
| لو ہجر کٹ گیا ہوا آغاز وصل کا |
| ڈر ہے زمانِ وصل کہیں مختصر نہ ہو |
| بن جاؤں تیرے عشق میں مجنوں قبول ہے |
| بھٹکوں میں دربدر کہیں ایسا مگر نہ ہو |
| منزل ہی کیا وہ جس پہ تمہاری کمی رہے |
| رستہ ہی کیا وہ جس پہ تمہارا گزر نہ ہو |
| ماہر ہوں میں بھی دیکھ لو اپنے فنون میں |
| دیدار جب کروں میں تو ان کو خبر نہ ہو |
| حسانؔ جس بھی شب کو وہ ہم سے ملے یہاں |
| اتنی طویل شب ہو کہ پھر سے سحر نہ ہو |
معلومات