| کہاں جانا ہے کس گلستاں کے ہو تم |
| مگر لگتا ہے کچھ پریشاں سے ہو تم |
| یہ بستی ہے فرعون کی بستی پاگل |
| تجھے کچھ خبر ہے کہاں رہتے ہو تم |
| مری شاعری پڑھ کے وہ پوچھتی ہے |
| یہ کس کی محبت میں یوں ٹوٹے ہو تم |
| کہاں تھے ابھی تک بڑی دیر کر دی |
| میں کچھ کہہ رہی ہوں کہاں کھوئے ہو تم |
| بھری چاندنی راتوں میں ننگے پاؤ |
| یہ چھپ چھپ کے کس شخص سے ملتے ہو تم |
| اگرچہ حقیقت میں میرے نہیں ہو |
| غزل کے جہاں میں فقط میرے ہو تم |
| تری بارشیں گلشنوں پہ ہی برسیں |
| کسی دشت پہ کب کہاں بھرسے ہو تم |
| بڑی دیر خاموش بیٹھی ہو مریم |
| بتاؤ تو کس بات پر روٹھے ہو تم |
| نہ جانے تمہیں کتنوں سے رنجشیں ہیں |
| مجھے بھی ہمیشہ غلط سمجھے ہو تم |
| کھڑا ہے تو بھی اب حریفوں کے صف میں |
| مگر میں نے تو سمجھا تھا اپنے ہو تم |
| تو تو اس کی زلفوں کے سائے میں سویا |
| مرے دل یہ کس دشت میں جاگے ہو تم |
معلومات