وہ جو درد ہے وہ دوا بھی ہے |
ترا ساتھ مجھ کو ملا بھی ہے |
تُو مرے قریب تو میں بھی خوش |
مرے ساتھ ربّ کی رضا بھی ہے |
تری ہر ادا بڑی دلرُبا |
کہ ہزار جان فدا بھی ہے |
تری خامُشی میں کلام ہے |
ترے ہاتھ میں وہ عصا بھی ہے |
ترے ذکر سےفضا منتشر |
کہیں کُن کسی نے کہا بھی ہے |
جہاں تُو چلے وہیں ہم قدم |
کوئی درد لے کے چلا بھی ہے |
ہے تِرا وجود مری پناہ |
ترے دم سے سب یہ سہا بھی ہے |
ترا عزم ہے کہ عظیم ہے |
تُو مثالِ صبر و رضا بھی ہے |
ہے تری رضا مری مُنتہا |
مرے بال و پر میں وفا بھی ہے |
یہ محبّتیں یہ رفاقتیں |
یہ عنایتوں کی عطا بھی ہے |
تری قُربتیں تِری چاہتیں |
تِرا لُطف مجھ پہ ہوا بھی ہے |
مرے انتظار میں ہی فقط |
ترا کاروان رکا بھی ہے |
ہے نصیب یہ کہ علاج کا |
کہیں ذکر کُچھ تو ہوا بھی ہے |
تِرا لفظ لفظ ہے چارہ گر |
تری اک نظر میں شفا بھی ہے |
مرے دلبرا ذرا ہاتھ اُٹھا |
مرے درد کی یہ دوا بھی ہے |
معلومات