بدلتی جس جگہ قسمت مقدر بھی سنورتے ہیں |
چلو بغداد چلتے ہیں چلو بغداد چلتے ہیں |
فرشتے حور و غلماں جنکی چوکھٹ پر ٹہلتے ہیں |
چلو بغداد چلتے ہیں چلو بغداد چلتے ہیں |
عقیدہ ہے ہمارا آپ جو چاہیں عطا کر دیں |
نظر پڑ جائے ادنیٰ پر شہنشاہ با خدا کر دیں |
غم و آلام جنکے نام سے واللہ ٹلتے ہیں |
چلو بغداد چلتے ہیں چلو بغداد چلتے ہیں |
زمانہ محوِ حیرت ہے کرامت دیکھ کے واللہ |
صدائے قم بِاِذْنِی سے ہوا مردہ بھی ہے زندہ |
نگاہِ غوث سے حالاتِ پژمردہ بدلتے ہیں |
چلو بغداد چلتے ہیں چلو بغداد چلتے ہیں |
مئے وحدت محبت سے پلاتے غوث ہیں میرے |
پکڑ کے ہاتھ مولیٰ سے ملاتے غوث ہیں میرے |
مریدوں پر تصدق! جب نگاہِ ناز کرتے ہیں |
چلو بغداد چلتے ہیں چلو بغداد چلتے ہیں |
معلومات