| خاک کا خواب ہے، مٹی کا نظارہ دل ہے |
| وہی آشفتہ سرِ باد، سہارا دل ہے |
| نور تھا، سایۂ دیوار میں گم کر بیٹھا |
| ایک ٹھوکر میں پڑا دیدہ و تارا دل ہے |
| چشمِ بینا نے تجھے خاک سے بالا دیکھا |
| عقل کہتی ہے مگر بوجھ کا مارا دل ہے |
| خانۂ آدم و عالم کی حقیقت دیکھو |
| نفس آوارہ ہے، اور نقشِ ستارا دل ہے |
| جل اٹھا خاک میں، پھر خاک میں مدفون ہوا |
| بس کہ اس گردِ جہاں کا ہی شرارہ دل ہے |
| کون رکھتا ہے خبر گردشِ دوراں کی مگر |
| صبح ملبوسِ سحر، شام بھی سارا دل ہے |
| کوئی در کھل نہ سکا فہم کے زخموں کے سوا |
| جس کو سمجھا تھا جُنوں، عقل کا مارا دل ہے |
| خاک کا ذرہ ہے پر وسعتِ افلاک طلب |
| زندگی لمحہ ہے، صدیوں کا خسارا دل ہے |
| حسن فطرت ہو کہ تہذیب کی الجھن عامر |
| درسِ وحشت ہے، تماشا ہے کہ پیارا دل ہے |
معلومات